Fréttir af borðinu · Horfnir staðir
Festi (1972–um 2000) – Til sælla minninga
Sameignarfélag Grindvíkinga reisti Festi eftir teikningu Ragnars Emilssonar arkitekts; framkvæmdir hófust 1968, húsið var fyrst tekið í notkun á sjómannadaginn 1972 og formlega opnað um haustið. Auk 350 sæta salar hýsti 1.700 fermetra byggingin bókasafn, bíó, fundarsali og skrifstofur sveitarfélagsi
Sameignarfélag Grindvíkinga reisti Festi eftir teikningu Ragnars Emilssonar arkitekts; framkvæmdir hófust 1968, húsið var fyrst tekið í notkun á sjómannadaginn 1972 og formlega opnað um haustið. Auk 350 sæta salar hýsti 1.700 fermetra byggingin bókasafn, bíó, fundarsali og skrifstofur sveitarfélagsins, og meðal forstöðumanna var Tómas Tómasson, síðar kenndur við Tommahamborgara, sem gaf meira að segja út smáskífu með Pjetri og Úlfunum undir merki Festar. Nánast allar vinsælustu danshljómsveitir síns tíma léku þar – Trúbrot, Hljómar, Hljómsveit Ingimars Eydal og síðar SSSól, Sálin hans Jóns míns, Todmobile, Skítamórall og Írafár – og Stuðmenn héldu sinn allra fyrsta opinbera dansleik í Festi árið 1975. Festi var eitt fárra félagsheimila landsins sem skiluðu hagnaði á blómaskeiðinu, en dansleikjum fækkaði eftir því sem stöðum fjölgaði á níunda áratugnum og um 2000 var þeim nánast lokið. Eftir að hafa staðið auð árum saman og ekki selst var húsinu breytt í gistiheimili árið 2014 og þar er nú rekið Geo Hotel Grindavík.
Gistiheimili frá 2014, nú Geo Hotel Grindavík
Heimildir: